Kundi tú hugsað tær at verið miðpunktið í Norðuratlantshavinum?
Smyril Line sóknast eftir einum dugnaligum og tænastusinnaðum Cruise Host/Hostess til at arbeiða umborð á Norrönu.
Vit bjóða eitt spennandi og avbjóðandi starv, har møguleiki er at menna okkara tænastu, og uppliva lívið umborð á einum nýmótans ferðamannaskipi.
Tú siglir 1:1, ið merkir, at um tú hevur verið 4 vikur umborð, so fært tú eisini løn í 4 vikur heima.
Um starvið
Eitt framsøkið arbeiðspláss, har tú sum Cruise Host/Hostess kemur at hava ábyrgdina av okkara North Atlantic cruise gestum, og tryggja, at tey fáa ein sera góðan túr. Tú kemur at vera ferðaleiðari í Íslandi, og hevur ábyrgdina av at skipa fyri undirhaldi umborð, bæði fyri vaksnum og børnum. Tað er týdningarmikið, at tænastustøðið er høgt og tískil mugu skránnar og framløgurnar dagførast við jøvnum millumbili. Tú kemur at samskifta javnan við søluleiðarnar á teimum ymsu deildunun hjá okkum, fyri at tryggja eitt gott innlit í tænastuna gesturin keypir. Tá tørvur er á tí, kemur tú at hjálpa til í móttøkuni.
Er tað tær vit leita eftir?
- Tú dugir at samskifta flótandi á norðurlendskum, týskum og enskum, bæði á skrift og talu
- Tú trívist væl í at hava framløgur/kunnandi fundir fyri størri mongdum av fólki
- Tú vísur áræði við m.a. at hugsa loysnir í ymiskum støðum, umframt at tú hevur lætt við at bjóða tína hjálp og vitan fram
- Tað fellir tær natúrligt at hava fleiri bóltar í luftini í senn og hugsa í loysnum
Setanartreytir
Setanartreytir sambært sáttmála millum Føroya Fiskimannafelag & Reiðarafelagið fyri Handilsskip.
Freist at søkja
Freistin at søkja er 03. juni 2024. Umsóknir verða viðgjørdar leypandi. Tú søkir starvið við at senda tína umsókn umvegis frymilin niðanfyri.
Hevur tú spurningar til starvið ert tú vælkomin at seta teg í samband við Randi Nolsøe og Jeanette Thøgersen, móttøkuleiðarar, á receptionmanager@norrona.fo.
Um Smyril Line
Høvuðsvirksemið hjá Smyril Line er at reka ferðafólka- og farmavirksemi. Smyril Line eigur størsta ferðafólkaskipið í Norðuratlantshavi, Norrönu. Harumframt eigur Smyril Line farmaskipini Mykines, Akranes og Glyvursnes. Flutningsfyritøkan OCD, Hotel Hafnia og Hotel Brandan, eru eisini partur av Smyril Line samtakinum. Smyril Line hevur virksemi og skrivstovur í Føroyum, Danmark, Íslandi, Týsklandi og Hollandi.